阿漢鋸樹斷臂 家陷困境
運輸工阿漢早前趁假期在家修樹，卻意外遭電鋸割斷左臂，經搶救後手臂雖已駁回，但短期內仍無法活動。作為家庭經濟支柱，阿漢需獨力撫養年幼女兒之餘，亦需供養年邁外婆，因微薄薪金「月月清」而難有積蓄，意外後一家生活頓陷困境。東方日報慈善基金了解情況後，已撥出港幣二萬元緊急援助金，協助阿漢與家人解困。
「真係好多謝《東方》同所有善長，多得你哋我先唔使擔心屋企人冇錢開飯，終於可以專心休養……」被鋸斷的左臂雖已駁回，阿漢的身體卻因失血過多仍然虛弱，記者探望期間，阿漢吃力地一字一字道出謝意。
「為咗個女一定會撐住」
居於粉嶺村屋的阿漢憶述，居所前的大樹枝葉過長，近月更伸入屋，早前「冇工開」賦閒在家，以電鋸修葺過長枝葉，卻不慎連人帶鋸跌倒在地，左臂慘遭鋸斷，幸及時送院得以駁回。「依家我咩都做唔到，惟有見步行步，但無論如何，為咗個女我都一定會撐住！」
卅二歲的阿漢當運輸散工維生，與前妻育有一名女兒。漢父指就讀小五孫女得知父親受傷一度擔心至病倒，「孫女住喺我度，但阿漢平日收工就會揸架車嚟探佢，佢哋兩父女嘅感情好好，知道阿漢受傷之後，佢仲擔心到病埋」。
手術駁回 仍有排未郁得
同樣從事運輸業的漢父於意外後每日均會攜湯水到醫院探望兒子，「依家隻手雖然駁番，但佢有排都未郁得，真係手停口停，依家我只可以煲啲湯水畀佢，希望佢可以早日康復。」
漢父引述主診醫生稱，接駁斷臂手術令人滿意，但仍未能為康復情況下定論，「醫生都話未知隻手可以恢復幾多功能，只係話現階段進度滿意，之後九個月仲有幾個手術要做」。漢父亦感謝醫護人員盡力搶救兒子，雖見左臂漸有血色，但對兒子的傷勢仍憂心忡忡，惟希望兒子盡快康復。
捐款編號：12521
記者：楊育輝