為照料病妻歆伯盼成「家」

談及妻子的種種，現年八十歲的歆伯即腼腆一笑，將一段「愛情故事」娓娓道來。六十年前，歆伯與同齡的妻子經友人介紹下邂逅，並認定對方為終身伴侶。由於鄉間收入微薄，歆伯新婚未幾便隻身來港闖蕩，靠在地盤工作賺取生計，為多寄點錢回鄉養家，十多年來均在地盤「打地鋪」，「嗰陣連板間房都唔捨得租，幾乎全中環嘅地盤我都瞓過！」

「最緊要係熱水爐」

辛苦工作多年，歆伯終等到與妻兒團聚、獲編配公屋單位的一天，滿以為可「一家人開開心心生活」，可惜妻子的健康卻日漸轉差，並先後罹患柏金遜症及高血壓等疾病，無法自理起居生活，出入更需以輪椅代步。歆伯指兒子婚後先後誕下三名子女，一家七口擠在四百呎蝸居生活，令歆伯照顧妻子時倍添難度，「屋企好多雜物，連輪椅都過唔到，老婆成日喺屋企唔係坐就瞓，廁所又細，幫佢沖涼都要『烏低身』。」

事實上，自妻子患病後，歆伯便擔當照顧者重責，餵藥、做飯、洗身每日勞心勞力，為方便照料，歆伯更向房署申請調遷。久候多時，歆伯夫婦終重新獲編配新公屋單位，但又為搬屋帶來的沉重經濟壓力而躊躇。歆伯指退休後一直靠積蓄與高齡津貼維持生活，即使「左慳右慳」亦無法為新居添置家電，兒女亦囿於經濟未能協助，「依家靠自己整番好啲舊電器頂住先，好似呢把風扇，都用咗成廿年！」

面對空無一物的新居，歆伯坦言最擔心影響老伴的生活，「最緊要係熱水爐，老婆唔可以用凍水沖涼，凍親就會好大件事。其實我哋老人家真係冇咩望，簡簡單單嘅家電已經夠用，應付到基本需要已經好滿足！」歆伯希望善長能施以援手，冀與愛妻早日擁有真正的「家」。

捐款編號︰12518

記者︰呂耀焜、詹海萍