為照料高堂 英梅盼保視力

「由細到大都好多病，以為少啲出街、唔接觸陽光就冇問題，但如果盲咗就連自己都照顧唔到，依家真係好驚！」現年四十歲的陳英梅指證實患上紅斑狼瘡症後即改變一生，不但無法完成學業，更因服用類固醇而患上腎病，腎臟現僅餘兩成功能，右邊股骨亦告壞死，除日照時間不能外出，亦不能走遠路。沒有工作能力的英梅平日只能透過電視機了解外面世界，惟近日雙眼先後出現病變，正瀕臨失明邊緣。

狼瘡纏身 綜援維生

英梅坦言念及或會失明，便生怕成為父母的負累，「由十幾歲到四十歲，一路都係靠爸爸媽媽貼心嘅照顧先走到今日，依家媽媽做完腸癌手術行唔到，爸爸年紀咁大仲要做家務，都怪我對眼唔爭氣……」

英梅坦言，現時唯一願望便是保住視力，能夠自理之餘亦可照料年老雙親，「當知道對眼仲有得醫，個心都冇咁驚，但聽埋個藥費，就知唔使諗……」自雙親多年前退休後， 英梅一家三口僅靠綜援維生，因未能負擔二萬四千元的自費藥物而苦陷絕望困境。

香港眼科醫院發言人證實，病人雙眼患中央漿液性脈絡膜病變，醫生建議進行光動力療法，每劑藥費為一萬二千元，一個療程需進行一次，每次左、右眼各需使用一劑藥物。如有需要，部分病人需要重複注射。

捐款編號：12493

記者：阮佩君