勤奮爸爸病逝 妻兒失支柱

阿業十多年前來港後便在地盤任職水電工人，負責拉電線、駁水喉等工作，每月賺取一萬多元養活一家四口。鑑於收入有限，阿業一直省吃儉用，平日甚少娛樂，為節省住屋支出，更與友人合租元朗劏房，生活環境逼人。不過，每當想起周日可返回內地與家人共享天倫，阿業便無怨無悔。「老公喺大女出世冇耐就落咗嚟香港，但個個禮拜日都會返嚟見我哋，佢好顧家！」阿雯念及丈夫生前點滴，即黯然垂淚。

四口之家本來樂也融融，可惜天意弄人，阿業於今年五月體重暴減逾廿磅，四出求醫後才發現患膽管癌，阿雯說：「最初我哋真係接受唔到，之後佢入咗醫院，我就朝朝五點起身過嚟香港探佢，因為香港冇地方住，我哋只可以不停咁兩邊走……」在港舉目無親的阿雯只認識丈夫一位遠房親戚，幸得親戚帶路往返兩地照顧丈夫。可惜阿業病情迅速惡化，不及半年已撒手人寰。

遺孀謝基金 將打工養家

阿雯坦言家中無甚積蓄，生活更捉襟見肘。二十歲的長女正於大學修讀工商管理二年級，十六歲的幼子則就讀高中。家人原期待長女畢業後投身社會工作，以改善家庭經濟環境，未料阿業卻突然離世，連女兒的畢業禮也未能出席。

多月來不斷奔走兩地照顧丈夫，不但令阿雯心力交瘁，亦令積蓄幾近耗盡，對於基金在最艱難的時刻伸出援手，阿雯致以衷心感激，並期望丈夫能早日安息，「真係好多謝東方日報慈善基金幫忙，我哋會努力捱過去。」結婚前曾在製衣廠工作的阿雯指稍後會重投社會工作，以擔起養家責任。

捐款編號：12471

患腰痛抑鬱 婆婆冀獲電視機解悶

「睇電視係我依家最大嘅娛樂，部電視機壞咗，成日流流長真係好悶！」七十九歲的馮從笑靠綜援金生活，年前由義工送贈的電視機早前因故障無法維修，令馮婆婆失去唯一娛樂。「買部電視機差唔多等於大半個月綜援金，坦白唔怕失禮講，真係負擔唔嚟！」

馮婆婆年輕時曾當小販，售賣內衣褲維生。十多年前因跌傷腰骨加上年紀老邁而未能繼續工作，身邊又沒有子女照顧，只能申領綜援過活。近年身體情況欠佳，除不時感到腰痛外，更患上抑鬱症，需定期前往醫院覆診。

一如無數長者的生活，馮婆婆每日習慣到公園閒坐及逛一逛屋邨商場，「夜晚食完飯睇吓新聞同追吓劇集就瞓覺，依家冇得睇，出街行得多腳又痛、腰骨又痛！」馮婆婆希望有善長慷慨施援，協助重置電視機。

捐款編號：11039

記者：林松澧、阮佩君