來叔窩心 一粒都唔會食剩
基層長者獲社會關愛倍感窩心！六十八歲的徐運來雖然在去年才開始領取贈米，卻對計劃讚不絕口，「我餐餐都要食一碗飯o架！最鍾意用鹹魚送飯，夠晒香口！」來叔指七十年代初來港時生活艱苦，坦言「食都冇得食」，因此特別珍惜食物，「一粒米都唔會食剩」。
原任職貨倉工人的來叔十多年前因患有胃潰瘍需進行手術，手術後精神欠佳而提早退休。來叔坦言大病一場後明白到健康可貴，除注意飲食外，每日亦會陪同妻子外出散步順道「拍拖買餸」，「兩個人一齊去街市格吓價嘛！以前買米、買重嘢都係由我拎o架，我餐餐都食飯所以有氣有力！」