車長車禍亡 病妻謝善長解困

憶好丈夫 終日以淚洗面

「我同佢一齊廿八年，佢去咗幾多日、我就喊足幾多日，醫生話再喊就會盲……」每當回想與阿海相聚的時光，周太即不住抽泣，更細訴「好丈夫」的點滴，包括每朝會為患皮膚病、糖尿病及情緒病的妻子準備藥物，為讓妻子不受「身癢之苦」，更不惜支付高昂私家醫生費用，可惜一切的體貼已隨着丈夫意外身亡而成為過去，愛夫深切的周太至今仍未撫平傷痛，直言需要依靠藥物幫助才能勉強「生存」。

能夠支持生存意志的，除了藥物，還有兒女，「冇咗老公我真係咩都唔係，有諗過跟埋佢去，但係一諗到啲仔女就唔捨得…」周太坦言子女乃目下唯一的精神支柱，盼能早日走出喪夫陰霾免家人擔心。周太又說，明白「仔女都大晒，佢哋都有自己嘅生活」，不想一直依賴兒女照顧而影響他們原有的生活。

皮膚病不斷尾 藥費高昂

患有皮膚病已有十四年的周太說，所患皮膚病病因至今未明，政府醫院提供的藥物一直無法紓緩病症，須向私家醫生求診，單是藥費每月已需花上數千元，醫生獲悉阿海身故後即主動將藥費減半，周太為此深表感激。

鑑於「冇得斷尾」的皮膚病須長期接受治療，周太坦言善長的捐助猶如「及時雨」，將會用作支付醫藥費及生活費。「好多謝東方日報慈善基金同咁多善長咁有心，咁關心我哋！」

周太現正向醫生申請證明，希望能盡快獲房屋署批准調遷至女兒住處附近，以便互相照應生活。「我依家唔敢返嚟呢度，睇住每樣嘢我都會諗起阿海，忍唔住要喊，好驚就快會崩潰，希望可以早日離開……」

捐款編號：12428

記者：阮佩君