「無力殮葬」專戶 助弱女葬父
「我爸爸嘅癌病喺兩年復發咗三次，最後都係捱唔住……」自父親去世後，陳豔嫦一直大感失落，但為處理後事而重新振作。曾任職消防員的陳父終年七十二歲，生前體格一直強健，直至○九年年底舌頭長出一粒痱滋，小小痱滋遲遲不愈，化驗之下才發現痱滋為惡性腫瘤。
阿嫦指父親證實患上癌症後，即時接受手術切除，失去半條舌頭後以為事件終可告一段落。可是，兩個月後發現癌細胞原來早已擴散至淋巴，經多次手術、電療及化療後亦無法好轉，早前更不敵病魔離世，「爸爸喺第一次復發已經食唔到嘢，要插胃喉，見到佢咁辛苦，我哋都好心痛！」
為醫癌父 阿嫦耗盡積蓄
事實上，陳父退休後，家庭開支均由任職文職工作的胞弟一力承擔。阿嫦表示，父親患病後，醫藥費及營養食品開支龐大，胞弟的微薄薪金難以支撐，積蓄亦早已用盡，「撐唔到都要撐，我自己又有病做唔到嘢，惟有問親戚朋友借住先，依家阿爸突然去咗，想借都借唔到咁多！」東方日報慈善基金了解後，已從「無力殮葬」專戶撥款港幣一萬七千六百元，直接向殯儀公司繳付有關費用。
捐款編號︰１２２１１