「年尾有禮物收 真係好開心」
「嘩！年尾有禮物收，又有咁多嘢食，真係好開心！」九十三歲伍環接過禮物後，急不及待告知「伯爺公」，一一細數禮物包內載有平日最愛吃的麥皮，可即時供做早餐時享用。伍婆婆指本身行動不便，惟每天均堅持與丈夫一同弄廚為樂，故對獲贈食品讚不絕口，笑指全部食物都「好啱心意」，「下個禮拜會好凍，可以用湯包煲啖湯，炆啲冬菇畀埋仔女、孫仔女一齊食，實好開心！」
偕女探訪 學懂關懷
保良局總理李德剛昨更偕同妻子及三名女兒一同落區探訪，希望女兒能藉探訪學懂關懷別人的要義，七旬長者茹仕清開門迎客時，坦言有受寵若驚之感，「有咁多人嚟探我，又有禮物收，仲開心過過年！」茹伯指身體近年開始出現小毛病，醫生證實所患為糖尿病與高血壓，早前更因哮喘而住院近二十天，日後將遵照醫生指示，多加注意健康。
茹伯更指禮物包內的白米、蝦子麵、餅乾和麥皮等非常合用，湯包與冬菇則會留待與家人做節時一起分享。
本報記者