喪妻阿雄 感激善長助解困
七月最後一天的清晨，三十九歲肖學珍在旺角洗衣街橫過馬路時命喪的士輪下，遺下丈夫鄧國雄與六歲幼女徬徨面對未來生活。為協助鄧家解決即時困境，東方日報慈善基金於事發當日已即時從「無力殮葬」專戶撥款二萬元，協助阿雄辦理妻子後事。近日東方日報慈善基金陸續接獲熱心讀者捐款逾二萬元，並已悉數轉交。阿雄接獲善款後連聲感激，「大家已經幫咗我哋好多，都唔知點多謝大家，我同個女會好好生活！」
阿雄憶述事發當日獲悉妻子發生意外，恍如晴天霹靂，「之前老婆仲好好哋，從來冇諗過一晚之後，就永遠見唔到佢，心裏面不斷諗點解會咁？我同阿女點算？」車禍後阿雄不但要忙着辦妻子後事，更要安撫六歲幼女詠雯，只能暫時辭工，「佢知道媽媽唔會再返嚟，成日話掛住媽咪，無論點所以我都想多啲陪佢。」
今年升讀小一的詠雯已開學，阿雄亦積極「搵工」維持生計，更盼望早日「上樓」，「我哋輪候咗公屋好多年，希望唔使再住天台屋。雖然媽咪唔喺度，我哋兩父女都仲有個『家』！」
捐款編號：11961