聶伯盼獲贈電視解悶
「之前睇緊部電視都係隔籬鄰舍三年前喺垃圾房執畀我咋！」七十三歲的聶金水一直獨身，自兄弟相繼離世後，多名姪兒只會間中探望，日常生活只靠陪伴多年的二手「公仔箱」點綴。可惜近日電視突然失靈，令聶伯大有頓失「老伴」之感，「嗰日睇睇吓突然噗一聲就冇晒嘢睇，依家冇得睇電視，啲時間都唔知點過！」
從事飲食行業逾五十年，笑言「做『食物館』（食肆）冇本事娶老婆」，退休後隨即入住長者屋，打算頤養天年，慶幸身體尚算壯健，閒時更會由慈雲山住所徒步前往觀塘，日常除到公園散步，便終日與電視為伴，「我哋呢啲冇讀過書、唔識字嘅，淨係可以睇電視先知出面發生咩事！」鑑於生活緊絀，靠綜援維生的聶伯無力添置一部新電視，希望能獲善長慷慨解囊，以解生活苦悶。
捐款編號：11951