中國人的食療智慧中，對湯水的演繹最深、最透徹，事實上，滋補的老火湯不但滋潤脾胃，亦可調理體質、加速復原。東方日報慈善基金自一九九二年起，撥款資助將軍澳靈實醫院「愛心之湯」計劃，定時為住院病人送上滋補靚湯，十多年來已撥款逾百萬元，共逾卅七萬人次受惠。今年基金再撥款二萬八千元，繼續為病人送上滿載關懷的湯水。
每逢派送「愛心之湯」的日子，病房便會瀰漫着濃郁湯味，令人胃口大開。八十一歲的張長欽因腳部麻痹留院，萬料不到在醫院也可品嘗用料十足的滋補靚湯，「住醫院都可以飲到咁靚嘅湯，真係好多謝《東方日報》嘅善長咁細心，你睇我今日飯都食多幾啖，就知啲湯有幾好味！」自言對湯水素有研究的鄭輝只淺嘗一口，即得知是日靚湯乃由魚骨熬製而成，並大讚湯水「夠晒火候」，「我係寒底，呢款湯最啱我飲！」
有助紓緩病情
靈實醫院總廚盧綺雯表示，揀選湯料會以日常食物為主，再配合營養師意見，以便適合每名病人飲用，「病人長時間留院，過時過節就最孤單！如果佢哋飲到用料足、火候夠嘅湯，就會有屋企嘅感覺，心情好啲，個病都快啲好！」
愛心之湯不但真材實料，廚房職員的用心炮製亦令湯水倍添美味。陳育輝在靈實醫院廚房部任職廚師逾廿年，每次炮製愛心之湯均需清晨四時返抵醫院準備，經過四個多小時「勞心勞力」，才可炮製出滋補靚湯，「只要病人有靚湯飲，幾辛苦都值得！」
該院註冊營養師呂秀嫻說，長者因味覺退化或癌症病人出現吞嚥困難，都愛以湯水泡飯，但愛心之湯背後的關懷意義更為重要，「其實愛心湯水嘅心靈療效好大，病人覺得有人關心，好心情會對個病好有幫助！」
捐款編號：3399
代郵
觸電意外死者吳氏家人：本基金接獲捐款以示慰問，請致電36009171與記者馮先生聯絡，以便安排轉交善款事宜。 （捐款編號：11870）
陳國威家人：本基金接獲捐款以示慰問，請致電36009183與記者陳先生聯絡，以便安排轉交善款事宜。（捐款編號：11834）
■記者 吳琰玲、攝影 陳德賢