自與丈夫離異後，阿玲的生活目標只有女兒一個，故一直拚命工作，希望能為女兒提供安穩生活，「雖然每日做兩、三份家務助理好辛苦，但係有五、六千蚊收入，唔使攞綜援，我哋已經好滿足。」

就讀中一的阿萍因深明母親「血汗錢」賺來不易，為「慳得一蚊得一蚊」，每日均自備午餐飯盒，避免外出用膳，「每日可以慳番十幾蚊，一個月就成幾百蚊，慳番唔少！」

化療需費二萬七

正當母女倆生活漸上軌道之際，阿玲的身體在不知不覺間竟受癌魔來襲，「之前覺得好唔舒服先去睇醫生，點知一檢查就話有乳癌，聽到時成個人呆晒，返到屋企淨係識同個女攬住一齊喊！」為免病情惡化，阿玲即時接受切除腫瘤手術，但因癌細胞已擴散至淋巴，醫生建議接受需費約二萬七千元的自費化療療程，「我哋餐搵餐食餐餐清，一啲積蓄都冇，有病之後我仲失埋業，依家我哋連三餐都冇着落，邊有可能有錢醫！」

阿玲面對猶如天文數字的藥費苦無力籌措，每晚皆以淚洗臉，「我唔怕死，但驚個女冇人照顧！佢話如果我死咗，會跟埋我去，點算好……」為免阿玲病情延誤，東方日報慈善基金已從「醫療專戶」撥款，協助首次化療費，但繼後藥費有賴善長施以援手，助以解困。

伊利沙伯醫院發言人證實，病人患有早期乳癌，接受手術切除腫瘤之後，醫生建議接受自費化療療程，費用約需二萬七千元。

捐款編號：11831

愛心回應

患有高血壓及糖尿病的黃伯，受腳患影響致行動不便，平日除往醫院覆診便鮮有外出。黃伯目不識丁，坦言收看電視節目已成為平日唯一娛樂，未料早前家中電視機突然失靈，令黃伯頓失精神寄託。東方日報慈善基金了解後，即時將善長送出的液晶體電視機轉送，讓黃伯樂不可支。「十幾日冇睇電視，依家部新電視又大又靚，睇得清楚過以前好多，真係好開心！唔該幫我同個善長講聲多謝！」

黃德超 85歲

求助物品：電視機

捐款編號：１１８２２

■記者 梁少儀