生前任職速遞員的輝叔平日不煙不酒。今年八月底發現喉嚨持續沙啞，體重更暴跌近二十磅，經檢查證實患上末期肺癌，更因身體日漸虛弱而無法工作。由於傳統藥物無法改善輝叔病情，醫生建議接受每月約一萬八千元的自費標靶藥物治療。

輝叔與妻子育有三名子女，長女及次女婚後相繼遷出，家庭重擔遂落在任職運輸工人的幼子阿健身上。阿健說：「阿爸好顧家，以前一放工就返屋企，所以無論幾辛苦我都好想佢好番，可惜我每月搵得幾千蚊，買一個月藥都唔夠，唔夠幾個月連借都冇地方借到！」

耗盡積蓄 商借無門

有見輝叔病情告急，東方日報慈善基金雖已撥款協助購藥，可惜輝叔日前因急性肺炎病逝。

廖太表示，「老公係天主教徒，佢離開嗰陣有神父喺身邊，走得好安詳。」然而，為支付輝叔藥費早已耗盡積蓄兼商借無門的廖家，卻再為殮葬費而坐困愁城。

東方日報慈善基金了解情況後，已即時從「無力殮葬」專戶撥款二萬元直接向殯儀公司支付輝叔的殮葬費。廖太對於基金兩次及時施援深表感激，「老公突然間走咗，我哋一家人都好徬徨，政府成日話幫市民，但因為我哋冇攞綜援就幫唔到我哋，都係東方日報慈善基金最幫到手，真係好多謝！」

捐款編號：11803

蕭伯沖涼難 盼有熱水爐

「每日就係咁煲熱水沖涼，一煲就煲咗十幾年！」八十三歲的蕭學忠，靠一個煮食爐和一個水煲生活了十五年，每次洗澡須先在廚房煲水，然後再捧到洗手間。為「就住」個人體力，蕭伯還自創一套洗澡方程式：「唔可以煲太多水，太重就唔夠力拎，仲要倒咗凍水落去個盆先，如果唔係就會淥親！」

蕭伯年輕時任職製衣廠工人，自妻子於廿多年前離世後便獨居至今，退休後更需靠綜援生活。相比同齡長者，蕭伯尚算壯健，故一直堅持自理生活上各項細節，惟陳年腳患卻叫他不得不低頭，「腳痛咗兩年，最近仲腫到要入院。」蕭伯出院後仍感雙腳腫疼難當，至今仍行動不便，為解決生活所需而向東方日報慈善基金求助，「如果每日都仲係咁煲水法，真係驚跌死多過痛死，如果有個熱水爐就唔使驚咯！」隨着氣溫日趨寒冷，蕭伯的小小願望能否達成，端賴善長伸出援手。

捐款編號：9850

記者 梅可茵