今年的月餅送贈行動自九月中旬開展，逾七十間長者屋與志願機構已接獲月餅並一一派送。耆康會啟業長者鄰舍中心昨更藉着派贈月餅舉辦慶祝活動，讓受惠長者在迎月夜聚首一堂，歡度一個滿載溫情的中秋節。

「好似有親人關心」

「以前姪仔每逢中秋都送一個月餅畀我，嗰個係最好食嘅月餅，但自從佢退咗休就冇食過月餅嘞！」自丈夫去世後，七十九歲的黃杏端獨自度過了二十多個寒暑，每到人月兩團圓的中秋最為傷感，「身邊一個親人都冇，依家有人送月餅畀我，就好似有番個親人關心咁，好多謝啲善長咁有心！」黃婆婆更悄悄跟記者說，會對月餅珍而重之地逐小品嘗，以細味人間溫情。

八十六歲的馬燕女近年行動不便，需以輪椅代步，平日鮮有外出，今年在鄰舍中心安排下，才得以跟其他長者一同慶祝中秋，馬婆婆坦言直有跟親人過節的感覺，「好耐都冇咁開心過節，你哋東方日報慈善基金真係好，個個月送米畀我不特止，依家仲送埋月餅，真係好多謝！」

至於現居順安邨瑞安護老中心的劉兆英今年剛年屆八旬，靠綜援金維生的她平日鮮有親人探望，坦言參與月餅派贈活動猶如與家人過節般窩心，「依家社會經濟環境唔係咁好，好彩仲有咁多善長關心我哋呢啲老人家！」

耆康會啟業長者鄰舍中心社工林淑儀表示，不少長者對生活無甚要求，只要能解決生活所需已甚為滿足，「佢哋好似細路仔咁，小小一個月餅已經可以令佢哋好開心！」林指東九龍區內清貧長者眾多，幸獲東方日報慈善基金送贈月餅，令他們平淡如水的生活平添色彩的同時，並能感受社會關懷。

捐款編號：16333

記者：梁少儀

攝影：許紹基