阿英現年四十七歲，與任職清潔工人丈夫阿德育有兩名兒子，一直靠兩人合共萬餘元收入維持，尚能應付生活。不過，自阿英五年前證實患上直腸癌、接受手術後已無法工作，阿德為照顧妻子及兩名兒子，亦迫不得已放棄工作，改靠綜援維生。

「想睇到軒仔畢業」

「知道佢得咗個病嗰陣，我個腦一片空白，以為做完手術食住藥會好番，點知又復發，依家仲冇錢買藥……」阿德坦言仍未能接受妻子患重病的事實。而幼子軒仔則不時鼓勵母親努力抗癌，「我成日勸佢要堅強啲，唔好諗啲負面嘢，全家人都會支持佢！」

阿英坦言與癌魔搏鬥多年，身心俱疲，更一度想過放棄，「醫咗咁耐都醫唔好，真係想放棄，但諗起軒仔今年先讀中四，我好想睇到佢畢業。」

東區尤德夫人那打素醫院發言人證實，阿英癌症復發並擴散至盆腔，由於肝功能出現異常需停止化療。因應病情有惡化迹象，醫生建議接受自費藥物組合療程，以提高存活率，倘選擇不接受有關化療療程，病情將加速惡化，為期十二次的療程合共需費九萬六千元。

捐款編號：１１７４３

失明伯伯獲公屋無力買傢俬

「七歲嗰時出痳疹發燒，之後兩隻眼就睇唔到嘢！」六十五歲的謝志堅自小雙目失明，去年舊居清拆，獲房屋署配置公屋單位，惟囿於經濟，未能為新居購置家具，一直蝸居在友人家中，變成「有家歸不得」。

友人家中借宿

謝伯自不能視物後，便不斷要學習自我照顧，「細細個就去盲人訓練中心，學做手作仔賺錢，做到五十幾歲先退休。」自從母親十年前離世後，謝伯便失去至親提點，多次遇上騙子，損失的均是養命所依，「好多人見我睇唔到嘢就專登呃我，試過畀人呃晒啲綜援金，到依家都仲好驚！」

為免再受騙，謝伯去年遷居時，透過社工協助，將獲發放之搬遷津貼全數用於新居裝置如鋁窗及電熱水爐等，避免連基本所需亦失去，「裝咗鋁窗同熱水爐就冇錢買其他傢俬。」礙於新居家徒四壁，床鋪亦欠奉，謝伯在過去一年多一直在友人家中的露台「露宿」，並以簡單帆布床就寢，「我都好想返屋企，但買床、衣櫃同埋雪櫃要成幾千蚊，邊有錢呀？」

捐款編號：１１７２８

■記者 柯翠菡