「知足常樂」是袁群的座右銘。八十一歲的袁婆婆靠綜援維生，生活雖清苦但從未抱怨，更不時參與老人中心活動及義務工作，充實自己。提到中秋節將至，婆婆即滔滔不絕地說：「我好鍾意食月餅，但成幾十蚊一個，太貴喇！好彩仲有《東方日報》嘅善長關心我哋呢班長者，中秋（節）先有月餅食咋！」袁婆婆除感激善長關懷外，亦希望善長能慷慨捐輸，讓更多長者受惠。

婆婆銘記善長關懷

人稱方姨的方兆群已年逾八旬，平日飲食以清淡為主，但佳節當前亦會稍為「破戒」淺嘗月餅，「我會將個月餅分開幾次食，應吓節，又唔使驚食滯。」方姨亦直言，善長的心意最教其感動不已，「一個月餅唔單止係應節食品咁簡單，係善長對老人家嘅關懷，我會記住呢份心意！」

像袁婆婆及方姨的清貧長者，社會上不計其數，小小一個月餅，便足讓受惠長者笑逐顏開，甚至銘記在心。物輕情意重，請善長慷慨解囊支持送贈月餅活動。而有意申請月餅贊助的團體，可將團體名稱、申請數量、服務對象及聯絡方法等資料傳真至3600 9900，或致電3600 9988查詢，截止申請日期為八月卅一日。

捐款編號：16333

單親媽媽獲贈洗衣機

徐潔瑩　29歲

求助物品：洗衣機

捐款編號：11713

單親媽媽阿瑩獨力照顧四歲女兒，雙手曾遭熱水嚴重灼傷，左手五指更被切除，日常家務尤以清洗衣物最為費力，惜囿於經濟一直未能購買洗衣機。在善長熱心協助下，全新的洗衣機早前已送抵。阿瑩即時試用新機洗衣服，並感激善長幫忙，「估唔到有咁多人會幫我哋兩母女，原來有人關心嘅感覺係咁好嘅！」

■記者 徐少琴