基金與三星合辦的「三星一心一意行動」共送出價值達十萬元的電子產品及電器，蝸居牛頭角下邨多年仍家徒四壁的鄧伯便屬眾多受惠人之一。

十五歲的鄧嘉娜今年九月將升讀中二，囿於經濟，過去一直只能借用公用電腦，隨着需使用電腦做功課日多，在公立圖書館輪候借用的時間亦不斷增加，嚴重影響學習進度，「成日都好驚做唔晒啲功課，又唔可以次次同隔籬屋借，成日都唔知點算好。」

「定會畀心機讀書」

鄧母憶述，當嘉娜獲悉可獲贈電腦時，興奮得大聲高呼，「好嘢，唔使日日去圖書館排隊嘞！我一定會畀心機讀書，第二日賺多啲錢照顧阿爸同阿媽！」

三星電子香港有限公司企業市務部副總監楊梓譽表示，要讓貧困家庭脫貧，金錢援助並非唯一方法，「嘉娜只係爭一部電腦，就可以大大咁改善佢嘅學習問題，知識改變命運，只要學有所成，佢將來就有機會擺脫貧困嘅生活！」楊續說，「三星一心一意行動」除送出實用產品外，更希望讓受惠人士感受社會關懷的正面訊息。

除送出切合需要的產品外，三星是次更派出專業技術人員上門，親自教授嘉娜使用電腦的常識，令嘉娜喜出望外，「有部電腦已經好開心，諗唔到仲有人教我用，學到好多用電腦常識添！」嘉娜不但專心聆聽講解，更拿出筆記簿記下留意事項。

女兒專注了解電腦操作，鄧太則對全新雪櫃愛不釋手，「以前個雪櫃時好時壞，搞到啲嘢食壞晒，依家終於唔使擔心，真係好多謝三星同《東方日報》！」

事實上，鄧是能一家的情況經報道後，先後獲善長捐款共二萬三千多元，有關款項將協助鄧家由牛頭角下邨遷往新居添置基本用品及相關開支之用。 （捐款編號：11691）

記者：梁少儀、攝影：陳錦輝