鄭義益將在下周三舉殯，幼子阿城日前亦從內地來港奔喪，對於父親客死異鄉，阿城傷心欲絕，並慨嘆：「阿爸以前一直由我照顧，估唔到佢會喺香港過身……」阿城連日來更需照顧傷心過度的母親，坦言心力交瘁。

現年五十一歲的鄭妻原與丈夫及三名子女居於內地，五年前獲批單程證來港照顧年邁母親，直至母親因病去世後，便選擇一人留港工作，自此便靠酒樓清潔工一職，月賺約四千多元幫補內地一家生計，「一個人喺香港好辛苦，因為老公有病，每個月嘅醫藥費同埋三個仔女嘅生活都要幫補，幾辛苦都要捱落去。」

好彩《東方日報》幫手

事實上，囿於經濟，鄭妻一直蝸居葵涌石梨坑村一間不足百呎木屋，早前長子從內地來港探望，發現母親居住環境惡劣，常受滲水及蚊患困擾，遂在木屋外圍上帆布，未料竟變成死亡陷阱。鄭義益的三名子女獲悉父親猝逝後均悲痛欲絕，阿城至今仍未能接受事實，「點知咁突然，連最後一面都見唔到！」

鄭妻於事發後每日以淚水洗面，因情緒不穩致無法工作，但在家期間卻不時會觸景傷情，「每晚發夢都見到老公死嗰日嘅樣，真係好傷心！」鄭妻希望可申請公屋單位遠離傷心地，待回復精神後繼續工作。而丈夫的身後事，鄭妻坦言一度徬徨無助，「好彩《東方日報》喺出事之後即刻幫手，仲有咁多善長關心，如果唔係都唔知點算好，真係多謝晒！」

捐款編號：１１７３４

李伯窮苦無力置雪櫃

俗語有云「老竇養仔、仔養仔」，現年七十九歲的李華雖育有一子一女，但因子女各有負擔而無力照顧。李伯自八年前退休後，便依靠綜援維生，「我想做保安自食其力，可惜啲人嫌我老，啲仔女又要照顧自己屋企，我唔想增加佢哋嘅負擔，所以個雪櫃壞咗都唔敢出聲！」

李伯指其妻雖已獲批單程證來港定居，但因無法適應本港生活，最終仍選擇返回鄉間居住。李伯指居於內地的妻子近日受頑疾纏身，為籌措旅費回鄉探望已躊躇不已，使用多年的雪櫃又突然失靈，令李伯苦惱不堪。「冇咗個雪櫃，食剩啲餸冇得留番，買得少人哋唔肯賣畀你，冇咗個雪櫃啲開支都大晒！」沒有雪櫃的日子，李伯不時需以飯盒解決兩餐，開銷亦無形中增加不少。「如果有番個雪櫃，好多問題都可以解決！」 捐款編號：11729

■記者 梁少儀