俄國零舍多索女，喺美國裸模界就有唔少來自俄羅斯嘅火辣女郎，之但係四仔界嘅俄妹脫星卻唔多，獲得四仔迷歡心嘅更係少之又少，而Kaisa Nord正係當中嘅極少數，除咗因為樣靚身材正，仲有床上實力強勁，梗係深受歡迎啦！
如非必要，相信冇人願意離鄉別井，到其他國家搵食，因為當中遇到嘅困難真係不足為外人道，既然係咁，點解Kaisa Nord會到美國四仔界搵食呢？喺俄羅斯聖彼得堡出生嘅佢，高中畢業後做過好多唔同工作，如辦公室文員、酒店管理人員、藝術工作等，佢表示不斷轉換工作嘅原因，係因為佢點揀都覺得呢啲工作唔適合自己。
正當佢計劃緊下一份工作時，見到有成人雜誌招聘模特兒，憑住高挑及玲瓏浮凸嘅身材，加埋俄國美人嘅樣貌，自然獲得對方賞識，結果2017年頻頻喺成人雜誌亮相，其後吸引到歐洲其他成人雜誌邀請佢拍寫真，更獲得美國四仔片廠Tushy嘅垂青，同對方傾談咗幾次後，佢就決定投身四仔界。
佢嘅處女作《Titled Perfect Plan》好評如潮，尤其係佢嗰種東歐索女嘅魅力，更係令人睇得如癡如醉。而片廠Tushy亦食髓知味，搵佢連續演出多套作品，令人氣火速上升。Kaisa Nord表示同Tushy合作得相當開心，除咗因為工作氣氛融洽外，更令佢打開對四仔產業嘅眼界，變得更加識得展現個人美態。
之後，佢又為多間著名四仔片廠演出，如Sextury、Sexy Hub、DDF Network等，憑住超強人氣，更喺XBIZ頒獎禮獲提名「最佳歐洲脫星」。事實上，佢唔單止喺美國四仔界演出，更成為歐洲四仔片廠Marc Dorcel嘅寵兒，所以喺歐洲同樣有超高人氣，前途絕對無可限量。
經常喺歐美兩邊拍四仔嘅Kaisa Nord，近期去咗捷克工作。據阿妹喺社交網表示，因為受到疫情影響而暫停工作，但係佢一啲都唔擔心，反而認為係最好嘅休息時間添！
網址：https://twitter.com/kaisanord
出生日期：1993年7月19日
身 高：167cm
三 圍：34D-26-34
撰文：魂