神秘嘅水世界，令人產生無限聯想，所以童話故事出現過美人魚、湖中女神等角色。其實喺現實世界入面，筆者真係見過好多「女神」，有啲出現喺沙灘，有啲出現喺泳池，仲有啲活躍於溫泉，好似今日介紹嘅秦瑞穗，就被人稱為「溫泉女神」！
日本寫真界有好多女優都係長青樹，由10幾歲出道，去到30歲過外都依然活躍！點解咁襟玩？無他嘅，全因呢班女優駐顏有術，喺保養方面夠勤力，令個人魅力喺年紀漸長嘅情況下不減反增，寫真女王熊田曜子同埋秦瑞穗都係好例子。今年已經30歲嘅秦瑞穗，天生麗質，個樣好有女人味，某啲角度睇，仲有啲少女Feel。身材方面，阿妹Keep得好弗，一啲都冇走樣，甚至現出馬甲線添。雖然上圍只係屬於D奶，但係睇落夠彈夠脹，非常吸睛。
秦瑞穗早喺2005年出道拍寫真，當年只得15歲嘅佢，參加選美活動，並成功勇奪冠軍。出道之後，阿妹嘅寫真事業算係平平穩穩，而且喺其他界別有唔錯嘅發展，例如喺電台、互聯網有自己做主持嘅節目，又拍過唔少電影，仲係舞台劇常客，今年4月就有份演出《Ann & Mary》。但係講到阿妹最廣為人知嘅演出，必定係《秘湯浪漫》，佢由2015年開始，連續6年成為節目中負責浸溫泉嘅模特兒，難怪被好多人稱為「溫泉女神」了。
因為拍攝《秘湯浪漫》，秦瑞穗經常遊走日本各地溫泉，仲影咗好多靚相。想知道阿妹呢排去咗邊度歎溫泉？就要留意吓佢嘅社交網。
網址：https://twitter.com/mizuhohata
年齡：30歲
身高：5呎3吋
三圍：34-23-34
撰文：賢