能美真奈H奶教團女神

肥得火辣？

喺香港，好多女仔都搞到自己有咁瘦得咁瘦，以為咁樣先係靚，先可以取悅到男人。其實對於好多男人嚟講，身材火辣而豐滿嘅尤物，先係心頭好，既好攬又好砌。即使身材肥少少，好似能美真奈咁，男人一樣唔會介意，甚至可能會瘋狂愛上！現年24歲嘅真奈，面圓圓，眼大大，從任何角度睇都係肥妹仔一名，但係佢肥得嚟得意可愛，笑起上嚟，更顯得天真無邪，好有鄰家女孩嗰種親切感，人見人愛就係呢款喇！真奈嘅身材雖然帶少少肥，但係由於佢對美乳有成H Cup咁勁，屁股亦又大又圓，令胴體嘅曲線明顯，所以肥少少都冇相干，仲畀到人一種火辣辣嘅感覺添。

女神轉世？

能美真奈呢期喺寫真界發展得相當順利，6月推出咗第二隻寫真映像碟，同一個月又被雜誌《WEEKLY PLAYBOY》選為「最想避雨的次世代下乳」嘅其中一員，原因係好多人覺得阿妹嗰對巨乳大到幾乎可以用嚟畀人避雨！聽落係咪覺得有少少誇張，但係點都唔及真奈喺樂壇發展嘅設定。話說阿妹係一人團體「Candyland教團 」嘅成員，呢個教團將佢設定為一位嚟自遠古時代嘅女神，經過多年沉睡之後，才轉世為人，再喺現實時空中出現，目的係發揮自己嘅魅力吸納信眾，繼而令自己嘅神力增強到可以重新控制人類喎……雖然吹到咁大，但係呢種咁漫畫化又超現實嘅背景，原來都幾得觀眾歡心，加上阿妹能歌善舞，所以喺樂壇上都算薄有名氣。

社交網站

想吸納信眾支持，最緊要有橋，能美真奈就好識利用社交平台，除咗上載性感自拍照之外，亦因為本身係幪面超人粉絲，經常狂晒自己嘅玩具珍藏，甚至會扮超人變身呢！

網址：https://twitter.com/cie_punitan

能美真奈

年齡：24歲

身高：5呎3吋

三圍：37H-26-39

撰文：賢