講起地下活動，你會諗起啲乜？搭地鐵？行地庫商場？抑或從事一啲唔見得光嘅勾當？喺日本有唔少人參與地下活動，講緊嘅係大大小小嘅地下樂團，雖然佢哋嘅曝光率同人氣不能夠同正統藝人相提並論，但參與者不乏可愛美少女，月埜玉就係最佳例子。
日本寫真界有唔少巨乳女優，好似柳瀨早紀同工藤唯，兩個妹妹嘅上圍好似排球咁大，真係「乳」出驚人！不過，佢哋嘅身材比較大份，甚至肥到令人覺得有啲膩！其實喺索女滿布嘅寫真界，唔難搵到一啲胸大身細嘅美人兒，新紮師妹月埜玉就係其中一員。生得如花似玉嘅月埜玉，擁有精緻五官，雙眼水汪汪又充滿電力，仲帶有一種惹人憐愛嘅病態美，猛男見到佢都會軟落嚟，當然係指心腸喇！身材方面，阿妹有一對脹卜卜嘅F Cup巨乳，襯埋一身纖巧瘦削嘅胴體，正宗係「廟細燈籠大」！
月埜玉喺今年第一季開始拍攝水着寫真，佢嘅性感相一曝光即備受注目，因為阿妹實在太靚女太好身材，因而被封為「地下偶像之最強美少女」以及「地下偶像之至寶」。提到地下偶像，月埜玉到家陣依然係樂團「Anthurium」嘅成員，樂團嘅名字解作紅掌花，係一種又大又紅嘅植物，非常搶眼，同樂團嘅宗旨——「興奮與昂揚」不謀而合！當大家睇過月埜玉嘅舞台演出，就會發覺呢位柔弱美人兒原來好有活力。當然，阿妹想令大家興奮，毋須又唱又跳，只要多啲作性感演出，相信一眾男士都會收貨。
近期月埜玉開始增加寫真演出嘅頻率，仲會將部分性感相上載至社交網，所以大家多啲Click入去，保證有眼福，仲可以得悉阿妹嘅舞台演出情報！
網址：https://twitter.com/anthurium_hisui
身高：5呎6吋
三圍：34-23-33
撰文：賢