演員都有分好多種，有實力派，有偶像派，亦有丑角負責為大家帶來搞笑滑稽嘅場面。而喺日本AV界，亦有女優為大家提供色情兼帶搞笑荒誕元素嘅演出，小倉由菜就係其中一個喇！
日本AV界有好多癡女系女優都玩得好癲喪，將男人視如玩物，將自己嘅快樂建築喺對方嘅痛苦上，令觀眾睇到冷汗直冒。另外，亦有女優嘅演出風格係過火咗少少，但佢哋只係一心搞笑畀大家睇，當中包括近期相當弗嘅美谷朱里，仲有今日同大家見面嘅小美人小倉由菜喇！
今年21歲嘅小倉由菜生有一副美人胚子，嬌俏可人，論美貌絕對可以喺新世代AV女優當中名列前茅。至於身材方面，由菜初出道時肥肥哋，為咗增加大家嘅眼福，於是佢努力做運動令身段變得更弗更有曲線美，配合嫩白滑溜嘅肌膚，外在美非常吸引，甚討男士歡喜。
數數手指，小倉由菜自2017年出道成為SOD專屬女優至今已經有3年日子，而且人氣高企，當然佢有好多過人之處啦！由菜每次演出都會盡心盡力，就算男優身形幾大隻、態度幾咁粗魯，佢一樣會努力配合對方，瞓身拚搏，更不顧形象，經常被男優搞到花容失色、梨花帶雨咁款。另外，由菜為演好角色，要佢扮鬼上身四圍搗蛋，甚至做出各種荒誕淫穢行為，亦一樣放膽演出，呢一點好多AV天后都做唔到呀！
大家除咗可以欣賞由菜嘅精彩演出，其實仲可以睇吓佢演出其他嘅節目，包括佢同另一位SOD專屬女優唯井真尋主持嘅網絡電視節目《GO!GO!まひゆな号》，亦可以收睇佢嘅視頻頻道，當中由菜會大騷流利韓文，更被封為「韓系亮眼美女」，為大家帶來特別嘅韓流風味。
從社交網中，可以睇到小倉由菜好多性感照，以及介紹情趣用品嘅片段，由菜仲會同大家分享生活點滴，想了解佢多啲，就要Click上去睇睇喇！
網址：https://twitter.com/ogu_yuna
年齡：21歲
身高：5呎2吋
三圍：32C-23-34
撰文：賢