最近網上瘋傳一段男女喺的士打得火熱嘅影片，其實亦急不在一時，喺公共交通工具搞嘢，同打野戰畀人睇晒又有咩分別呢？講到打野戰，近期狀態大勇嘅超絕品美人松嶋詠美就係高手，同時佢亦係空手道高手添！
日本寫真界有好多女優都相當「胸」猛，除咗豐滿嘅上圍足以為男人帶來強大嘅殺傷力外，同時亦對武術相當有研究，好似細細粒又大波嘅清水藍里，就係一位琉球空手道高手喇！至於今日同大家見面嘅松嶋詠美亦唔輸蝕，亦係一位K-1空手道嘅高手！
今年28歲嘅松嶋詠美係小弟近期最喜愛嘅寫真妹之一，樣貌嬌艷得嚟帶點冷酷感覺，近期仲多添幾分親切姊系味道。身材方面，真係無與倫比，擁有5呎6吋高挑身材，胸大腰幼，一對F奶飽滿而富彈性，雙腿更加修長白滑，簡直就係上天嘅傑作，真係冇幾多個寫真女優能夠同佢匹敵！
松嶋詠美一向都熱愛韓國K-POP，佢表示加入藝能界係為咗可以與K-POP偶像一齊登台表演嘅夢想，不過後來就變咗做寫真女優，更被封為「奇迹之神級Body」。早前日本雜誌《NEWS POST SEVEN》舉辦「我最喜愛的寫真女優」選舉，結果松嶋詠美獲得亞軍，而投佢一票嘅男士都表示欣賞詠美身材與美貌兼備，而且性格仲相當得人鍾意。
提到性格，詠美都幾男仔頭，一來鍾意飲酒，二來又鍾意格鬥。佢曾經做過格鬥技K-1空手道嘅宣傳大使，後來亦練習埋一份，喺格鬥技方面都有咁上下造詣。另外，詠美亦經常獲一本遊戲雜誌做模特兒，之後仲參加打野戰，經常參與雜誌舉辦嘅野戰比賽，詠美鍾意嘅活動都係男人鍾意嘅嗜好，唔怪得咁受歡迎啦！
松嶋詠美對自己嘅身材相當自豪，亦好鍾意騷哥利，喺佢嘅社交網就可以睇到大量自拍性感寫真，仲有唔少幫雜誌拍攝嘅靚相，讓人大飽眼福。
網址：https://twitter.com/xxeimy
年齡：28歲
身高：5呎6吋
三圍：35F-23-34
撰文：賢