日本遊戲界久不久都會邀請寫真女優及AV女優，由現實跳入遊戲當中同大家見面，甚至有唔少激情「互動」添。好似平嶋夏海就將會喺手機遊戲中出現，大家可以盡情感受佢嘅魅力喇！
日本藝能界嘅大型美少女團體如AKB48、乃木坂46等，為樂迷帶來精彩悅目嘅表演。而呢類團體都會有新陳代謝，不斷有成員被淘汰，又或者成員從團體畢業作個人發展。之不過，脫離團體之後能夠喺藝能界長期活躍嘅唔多，平嶋夏海就係其中一個成功例子。
今年28歲嘅平嶋夏海，樣子青春俏麗，雙眼又圓又精靈，笑起上嚟仲好似少女一樣咁甜美清新。當然佢喺寫真界成功突圍，仲因為身材豐滿夠養眼，原本有少少Baby Fat嘅佢，經過努力收身之後，身上肥肉銳減，特別係條腰同大腿都纖幼晒，而上圍對F奶卻保持巨型堅挺，為呢副曼妙身材錦上添花。
平嶋夏海喺2005年參加AKB48拔選活動而成為團體成員，一路以來發展唔錯。直至2012年佢因為被發現同一個男仔拍拖，違反團中嘅禁愛令，雖然冇被即時踢走，但係就安排佢光榮離開團隊。
之後，夏海便開始以寫真女郎及演員身份發展，仲做過電影女主角，可謂吐氣揚眉！2017年佢考獲電單車牌，吸引唔少相關雜誌及網站紛紛搵佢做訪問，而夏海亦相當熱衷，跟隨暴走族飛車四圍去，亦喺電視節目介紹電單車知識，甚至教人洗車同整車添！最近夏海仲殺入遊戲界，喺將於秋季推出嘅手機遊戲《D4DJ Groovy Mix》中，聲演當中嘅女歌手角色瀬戶梨花，夏海又可以繼續表演唱功喇！
平嶋夏海喺社交網除咗分享自己嘅性感寫真照，仲會分享好多有關電單車嘅知識以及比賽活動情報，對電單車有興趣嘅朋友，不妨多啲Click上去睇睇喇！
網址：https://twitter.com/nacchan_h0528?lang=ja
年齡：28歲
身高：5呎1吋
三圍：34F-24-35
撰文：賢