美國堪稱西方成人產業嘅核心，引嚟唔少西方國家嘅索女投身其中，令人目不暇給。好似今日介紹嘅索女Liya Silver，雖然來自俄羅斯，但話咁快已經喺美國出人頭地，成為首屈一指嘅新進脫星，而未來目標就係搶佔四仔天后呢個寶座。
過去有唔少外國索女加入美國四仔界，但能夠闖出名堂嘅例子唔多，就算觀眾受落，亦因為佢哋好多時要返回原地，導致演出工作受影響，人氣難以維持。不過，對於喺俄羅斯聖彼得堡出生嘅Liya Silver嚟講，就冇呢方面嘅煩惱，因為佢細細個已移居美國。
Liya Silver嘅原名叫Kristina Shcherbinina，喺1999年2月25日出生，父母都係俄羅斯人，阿媽更係一位美女，因此遺傳咗俄國女性嘅風情，有晒條件喺四仔界打滾。不過，呢位索女並非一開始就拍四仔，而係先由裸體模特兒做起。34D美乳加上樣貌夠晒靚，所以用咗極短時間，已經喺美國裸模界出晒位，並引來四仔星探嘅注意。經過約半年嘅游說，佢終於喺2018年5月正式演出四仔處女作，由Tushy製作嘅作品《My Dirty Arrangement》。雖然Tushy只係一間細型四仔片廠，但由於Liya Silver嘅外形實在太出眾，令呢位脫星備受追捧，故此有人話，如果當年係大片廠搵佢演出，人氣會更加高。
憑住口碑同銷情極佳嘅處女作，Liya Silver嘅演出機會陸續有來，更吸引到唔少從未睇過四仔嘅美國觀眾，甚至因為咁而發生咗一段美麗嘅誤會，以為熱力逼人嘅佢係來自西班牙！謠言傳出有兩個原因：第一，搵佢演出嘅片廠都係西班牙人成立；第二，佢能夠講出一口流利嘅西班牙話。起初，Liya Silver並冇認真理會呢個傳言，但最後都係忍唔住喺網上解釋，原來咁多西班牙四仔片廠搵佢演出，純粹巧合，而佢之所以識得講西班牙話，就係從屋企附近嘅鄰居學到。
講到Liya Silver嘅人氣有幾高，能夠喺頒獎台上出盡風頭已證明一切。喺2019年XBIZ四仔頒獎禮上，阿妹勇奪年度最佳新進歐洲脫星，同年又喺AVN獲得最佳性愛演出兩個獎。早前舉辦嘅2020年AVN頒獎禮，佢又獲得年度最佳外籍新進脫星、最佳後花園演出、最佳男女性愛演出等4個獎項。因為佢頻頻獲獎關係，所以被美國四仔迷稱為未來四仔天后級脫星。作為一位俄國脫星能夠喺美國四仔界獲得咁好成績，真係相當勁呀！
青春貌美嘅Liya Silver，真係啱晒所有男人嘅審美觀！雖然阿妹係俄國人，但佢嘅思想好開放，仲相當識得利用社交平台宣傳自己。好似早排就喺Twitter上分享咗一段起身刷牙片，造型超性感加上生活化打扮，真係迷倒唔少人。
網址：https://twitter.com/liyasilver
出生地：俄國聖彼得堡
身高：162cm
三圍：34D-22-32
撰文：魂