世界各地都面對新冠肺炎疫情威脅，不同地方都有嚴格嘅防疫措施，好多公眾地方及場所都要關閉，令唔少人都受到影響，好似日本前女主播出口亞梨沙原定最近上演嘅舞台劇都要暫停，大家想一睹佢嘅G奶風采，惟有遲啲先可以欣賞喇！
大家知唔知「極上」呢兩個字係點解呢？就係指最上等嘅物品，質素超班。至於「極上Body」又代表咩呢？梗係代表無出其右嘅極品靚偈啦，而出口亞梨沙就擁有呢種極品身材，簡直令男人流晒口水！
27歲嘅亞梨沙氣質端莊高雅，雖然略嫌腮骨突出咗少少，不過阿妹識得利用髮型遮住呢個缺點，所以並無大礙，況且佢嘅身材先至係焦點，胴體凹凸有致，比起初出道時顯得更有健美感，上圍對G奶又大又彈手，而且胸形誘人，大得嚟唔會出現八字波，配埋條水腰蛇同大小適中嘅美尻，因而有「極上Body」嘅美譽，更被形容為「壓倒性的熱力」，唔係誇張吹水，絕對係得到大眾認同o架！
見到亞梨沙個樣咁斯文端莊，係咪覺得佢好有電視台女主播嘅氣質呢？冇錯！佢正係電視台女主播出身，當中最著名嘅節目包括《早安呼叫ABC》，2017年佢轉戰水着界拍寫真，將一直收埋嘅嘅極上Body盡情展露，令人眼前一亮，人氣亦「嘭」一聲飆升！
近期亞梨沙積極工作，除咗忙於主持電視節目如《古坂大魔王》之外，亦喺網台做主持。另外，佢密密地演出舞台劇，不過由於受到新冠肺炎疫情影響，搞到原定於近期上演嘅《斬劇『戰國BASARA』豊臣滅亡》要暫停。而演出機會不斷嘅亞梨沙，更初登大銀幕，擔正女主角演出喺4月尾上映嘅電影《戀愛的男人》，希望到時疫情稍為緩和，等粉絲可以入場欣賞佢嘅演技啦！
簡介：出口亞梨沙經常同大家分享工作上嘅花絮，唔少都係整蠱作怪嘅照片，當然亦有好多性感水着照，想欣賞亞梨沙副靚偈及搞笑本色，不妨Click入去睇睇。
網址：https://twitter.com/deguchiarisa?lang=ja
年齡：27歲
身高：5呎3吋
三圍：35G-23-33
撰文：賢