以前成日聽長輩講話做人要搵到、剩到同身體好，其實如果想生活好，儲錢未必係一個正確方法，因為面對通脹，若然唔識得將資金作適當投資增值，儲蓄好容易就會用完。如果想學吓投資，不妨向寫真界經典乳神杉原杏璃請教。
要知道一個日本寫真女優紅唔紅，好容易就可以知道，就係睇吓夜總會製作嘅海報，能夠被選中嘅女優當然都係又出名又夠索，咁又係嘅，唔通搵個唔紅又唔靚嘅女優倒自己米咩！至於邊位寫真女優出現於呢類海報次數最多呢？相信一定係杉原杏璃喇！
杉原杏璃正式大紅大紫嘅時候雖然已經接近30歲，但係就算家陣三十有七，一副娃娃臉依然保持幾分可愛甜美，實在難得。而最令人驚訝嘅係超乎人類想像嘅胴體，條腰得23吋咁幼，但係上圍就有一對巨型G奶，質感堅挺飽滿，配埋一身滑溜又雪白嘅美肌，絕對係震撼人心嘅極品巨乳身材。
好多人都取笑大波妹胸大無腦，但係杏璃就絕對係胸大有腦嘅最佳例子。佢喺寫真界可以話係經典級寫真女王，名氣相當高，而且多才多藝，更有「高科技偶像」之稱，原因係佢多次表現出對高科技產品嘅使用相當了解，例如智能手機興起嘅時候，佢多次上電視示範點樣利用捕捉不同角度以及配合燈光，令自拍照顯得更加迷人。
另外，杏璃近年減少性感演出，但係一樣有發揮才能嘅機會，一來以主持身份演出電視節目《新聞女子》，二來亦有出書，著作包括有自傳《…and LOVE》，而估唔到嘅係佢仲出書教人投資。今年5月，佢更會以講師身份出席一個叫做「副業EXPO」嘅展覽會，即場同大家分享一下投資心得添！
簡介：杉原杏璃家陣變身成投資專家，經常喺社交網同大家分享有關投資嘅消息，有興趣可以參考一下。
網址：https://twitter.com/Anri0612Anr
年齡：37歲
身高：5呎2吋
三圍：35G-23-33
撰文：賢