人無恥起嚟可以去到幾盡？有位男網民喺網上呻，稱佢個小三只係識得使佢錢，但係責任就冇盡過，搞到佢好㷫。佢話：「阿二已經跟咗我兩年幾，覺得佢好迷人，身材更係玲瓏浮凸，加上佢識打扮，每次同佢行街，單係一條迷你裙就已經引到周街嘅男人𥄫到眼唔眨，真係好有滿足感。此外，每次上佢屋企都有老火湯飲，男人真係好易氹，一煲湯就已經夠。不過最令我回味，係佢嘅床上表現，反應激烈，而事後體貼同溫柔嘅態度，係我一直渴求。不過最近佢嘅態度變晒，啲湯係買番嚟嘅，每次同我出街都着得好求其，但又畀我發現佢手機朋友圈發出嚟嘅相就執得好正，而令我最嬲嘅係佢一直拒絕同我上床。想問大家，佢係咪已經變咗心？唔通佢另結新歡？」