好多美人都會以色撩人，日本寫真妹篠原冴美喺最新嘅寫真作品中，雖然亦以性感演出挑逗觀眾，但係更多嘅係治療人心。不經不覺，阿妹已經出道拍寫真接近10年，一直以來以結實健美又好波嘅曼妙胴體取悅觀眾，而開懷又自然嘅燦爛笑容同樣令人如沐春風。不過，早前佢少咗寫真演出，原因係佢成功通過考核成為女雀士，即係職業打麻雀選手。
幸好冴美忙於決戰四方城，最近終於抽時間拍寫真，《冴美の流儀》就係佢最新寫真碟喇！當中佢扮演俏看護，負責陪伴一位身心都唔係咁健康嘅男士，為咗令對方回復健康，阿妹可謂出盡法寶，包括幫對方按摩按到露晒底，繼而寬衣解帶露出喱士Bra甚至酥胸半露，又會換上泳衣打網球，之後一齊嚟個鴛鴦浴。以上種種相處片段中，都可以見到冴美對巨乳晃動，亦可以欣賞到佢溫柔又帶陽光感嘅笑容，睇完真係成個人都精神晒！