牙齒生得靚唔靚的確好影響外觀，甚至會影響自我形象同社交生活，難怪唔少人都願意花金錢去做牙齒矯正。而日本寫真女優西葉瑞希天生門牙特別大，不過大家一啲都唔介意，仲覺得佢笑起上嚟露出兔仔牙好可愛添呀！
「哨牙可以刨西瓜，落雨可以遮下巴」，相信唔少人小時候都會聽過，但當中其實存在歧視成分，大家千祈唔好取笑人呀！事實上，天生門牙特別大未必有礙觀瞻，甚至有人覺得更加可愛，好似西葉瑞希就係好例子。
今年20歲嘅西葉瑞希萌味十足，面上嘅天真純潔氣質，以及天使般嘅笑容更加予人一種精神爽利嘅感覺，即使天生兔仔牙，亦一樣咁得人鍾意。同一般萌妹唔同嘅係，瑞希唔係細細粒，身高5呎4吋，上圍仲有一對脹卜卜嘅純天然E奶，配合一身鮮嫩美肌，帶畀大家一種有別於面上純真嘅火辣誘惑，故有「平成最後之蘿莉巨乳」之稱。
西葉瑞希喺上年夏季展開寫真女優之路，換上泳裝大騷性感，而家陣佢主要喺舞台演出。瑞希原先係偶像組合「Star☆T」成員，之後轉投到另一個美少女組合「Kyueens」，而且擔任隊長一職添！其實瑞希做隊長，除咗因為佢擁有豐富嘅舞台表演經驗，以及身材在多位成員中最搶眼之外，仲因為佢係一個充滿正能量嘅女仔！
原來瑞希由從演以來都受到各方批評，但係佢亦能夠保持正面心態，更加鍾意對鏡頭多展露燦爛笑容，希望可以令自己嘅兔仔牙更多人鍾意，以及成為個人魅力所標誌，所以大家記住學瑞希咁，面對困難嘅時候最緊要係笑多啲呀！
年齡：20歲
身高：5呎4吋
三圍：33E-23-33
簡介：西葉瑞希近期忙住帶領組合四圍登台，但係亦會抽時間拍寫真，而喺阿妹嘅社交網就可以睇到唔少性感照，讓你大飽眼福。
網址：https://twitter.com/kyueens_mizuki
撰文：賢