馬場富美香神乳再現

呢幾個月,香港人飽歷唔少社會紛爭,而好多人都覺得事件沒完沒了,實在見唔到有希望同曙光,咁可以點?梗係咬實牙關繼續生活啦!正所謂希望在明天,好似馬場富美香呢位巨乳俏佳人咁,封咗胸一排都會突然間再展露巨胸啦!

艷麗出塵

最近鍾意欣賞極品胴體嘅朋友有眼福喇,因為日本寫真界有唔少生得高、胸又大,而且仲綺麗迷人嘅美人兒回歸,例如早前同大家介紹過嘅染谷有香,仲有今日同大家見面嘅馬場富美香。

今年24歲嘅富美香可以話係近十年日本寫真界最出類拔萃嘅女優之一,一來樣子生得天真嫩口,純潔之餘又帶一種高傲冷艷,雖然未必屬於傾國傾城之美,但絕對係艷麗出塵。而富美香仲擁有一副高挑身材,高得嚟仲要胸大腰幼,難得嘅係對F奶夠彈夠挺又渾圓,認真形質俱佳,被稱為神乳亦不為過!富美香集美巨乳、蛇腰及長腿於一身,難怪喺模特兒界相當吃香啦!

瞓身演戲

馬場富美香細個時係兒童劇團「APRICOT」嘅成員,長大後生得婷婷玉立,就被人發掘去做模特兒。富美香嘅身材同美貌堪稱一絕,而佢嘅演藝發展亦可以話係快人一步,因為好多寫真妹都要經過多年奮鬥至可以有機會拍戲,但係佢喺拍水着寫真之前,就已經有份參與拍戲,首次演出嘅電影就係《Puzzle》,之後阿妹仲有幸參演特攝劇集《幪面超人Drive》,隨後一年正式投身寫真界。

之不過,由於富美香實在太受影視圈歡迎,搞到佢近年都係集中拍電影、拍日劇以及做模特兒,因此冇時間拍水着寫真!好彩富美香最近為一本時裝雜誌拍咗一輯性感照,當中阿妹大露半球,更加會光豬上半身只係用玉手遮胸,露肉度認真夠大!而提到富美香嘅演出夠搏命,喺正在播映嘅劇集《無名復仇者ZEGEN》當中,亦有好多露乳溝以及露底嘅瞓身演出,鍾意睇日劇嘅朋友不妨留意喇!

社交網站

簡介:馬場富美香近期為新劇四出宣傳,大家想知道阿妹最近去咗邊度做宣傳活動,以及新劇有咩內容,可以Click上其社交網睇睇。

網址:https://twitter.com/fuuumika_b?lang=j

馬場富美香Profile

年齡:24歲

身高:5呎5吋

三圍:34F-22-33

撰文:賢