師傅教落，娶老婆最緊要揀個入得廚房、出得廳堂嘅女仔，我都想，不過話咁易咩！好多女仔都話自己鍾意入廚房煮幾味，但係煮出嚟嘅菜式能唔能夠入口就係另一回事喇！而戶田玲呢位寫真偶像就唔同講法，因為佢真係廚師嚟o架！
雖然欣賞巨乳係世界上所有男士嘅共同習慣之一，但係又大又靚嘅美尻其實一樣令男人慾火高燒，挑逗性絕對下於美巨乳。日本寫真界歷來有好多靚股勢力力敵巨乳派系，當中嘅代表人物包括秋山莉奈、安枝瞳等等。不過，呢兩個經典靚股女優已經嫁人兼封股唔再拍寫真，好彩現役寫真妹之中仲有戶田玲！
今年32歲嘅戶田玲，雖然年紀稍大，但係如果有留意玲妹多年來嘅發展，就會發現佢愈來愈美艷，亦愈來愈有韻味。身材方面，由初出道時頗多贅肉，變成家陣弗到漏油，係就係上圍唔夠激凸，但係唔可以忽視呈桃子形嘅玉臀又大又圓且表面光滑，絕對足以令愛股人士着迷嘅一等一靚躉！
唔經唔覺，戶田玲已經出道10年，2009年參加「Miss Mobage Grand Prix」選美活動而初登場，結果成功奪到亞軍以及最上鏡獎。雖然往後不乏演出機會，試過拍日劇同電影，但只係曇花一現，工作愈來愈少，同時令收入減少。
然而，戶田玲性格一向都好顧家，就算明知阿媽亂咁使錢，佢都會堅持每個月畀5萬日圓家用。另外，玲妹唔會等運到，每個星期喺銀座一間西餐廳做廚師幫補收入，亦因為咁練得一身好廚藝，所以話玲妹真係入得廚房、出得廳堂呀！家陣玲妹經濟環境已經改善咗好多，同時人氣回升，除咗經常演出電視台綜藝節目，亦密密開攝影會搵真銀。
簡介：戶田玲家陣工作頻頻，生活質素大為改善，大家Click上其社交網就可以睇到佢去邊度遊山玩水享受人生喇！
網址：https://twitter.com/toda_rei?lang=ja
年齡：32歲
身高：5呎4吋
三圍：33B-23-35
撰文：賢