近期男士們有眼福喇！因為日本寫真界有唔少火辣迷人嘅寫真偶像鳥倦知還，除咗有馬場富美奈之外，仲有染谷有香，而佢更自稱仲係處子之身添！
日本寫真界有好多當世最強，包括有生咗三個小孩子都仲索到爆燈嘅「最強巨乳」熊田曜子，又有被稱為「最強美尻」嘅秋山莉奈，仲有近年迷盡萬千宅男嘅「最強童顏巨乳偶像」天木純，當然亦唔少得有「靈長類最強偶像」之稱嘅染谷有香喇！
今年27歲嘅染谷有香，氣質同佢剛剛出道，即係9年前冇咩大分別，韻味帶點成熟，姊系風格相當強烈，而一雙電眼以及帶點厚度嘅豐隆朱唇，更具攝人神魂之美。當然令男人為之振奮嘅仲包括最強胴體，身高5呎9吋，比起出名高挑嘅片山萌美仲要高多2吋，而且身材豐滿兼具誘人曲線美，胸前更有一對極品G奶，話佢係「靈長類最強偶像」真係冇吹水呀！
喺讀書嘅時候，有香已經生得高挑誘人，所以身邊嘅朋友都叫佢投身模特兒行列，不過有香卻興趣不大，反而喜歡做演員，於是喺2010年參加一個叫做「少年武史」嘅演員選拔活動，結果奪得「特別獎」，繼而成功踏足藝能界，之後佢拍過唔少日劇，首部作品就係《華和家之四姊妹》。除咗拍劇，有香咁好身材當然成為寫真界招攬嘅目標啦，憑住一副最強胴體火速成名，更標榜自己係未經人事嘅處女作賣點添！
老實講，有香可以話係寫真界中嘅特例，早年佢失驚無神咁拍咗輯全裸露點寫真，照慣例好少可以回歸到電視台工作，但佢就係有實力重返電視台，近年更主力做主持。幸好冇拍兩年寫真嘅有香最近終於回歸，仲拍到全身濕晒添，皆因佢今次喺陽光猛烈嘅戶外拍攝，期間又跑又跳，所以咪搞到一身香汗嘅姿態演出寫真囉！
簡介：最近染谷有香隆重回歸寫真界，大家從其社交網就可以欣賞到部分火辣迷人嘅寫真照，千祈唔好錯過喇！
網址：https://twitter.com/someyaaa_?lang=ja
年齡：27歲
身高：5呎9吋
三圍：37G-24-34
撰文：賢