電視台女主播予人斯文端莊又有學識嘅良好印象，不過喺日本就有好多女主播話畀大家知，佢哋性感起上嚟一樣可以誘人萬分，展露出姣味時又極盡挑逗，近期積極進軍寫真界嘅薄井潮里就係其中一位喇！
早幾年有好多日本電視台女主播突然瞓身一脫，進軍寫真界拍下好多充滿挑逗性嘅性感寫真，令觀眾大飽眼福，好似塩地美澄、虎南有香、伊東紗冶子等，不過家陣佢哋唔係已經封胸，就係未有打算再拍性感寫真，好彩我哋仲有一位魅力十足嘅色情女主播，佢就係薄井潮里喇！
今年29歲嘅薄井潮里，面上雖然係有少少歲月留痕，但係佢本身氣質綺麗又帶攝人媚態，成熟少少絕對令韻味有增冇減！而身材方面同樣吸引力十足，一來同佢個姓一樣夠晒纖薄，二來薄身得嚟肉地嫩白且有前有後，搔首弄姿之間更散發出迷人味道，認真係萬千男士眼中嘅性感尤物呀！
潮里有外在美，本身亦學識豐富，畢業於法政大學，亦對聲樂有深厚造詣，學習彈鋼琴已有15年，絕對唔係得個樣咁簡單。大學畢業之後，佢加入電視台做記者及女主播，2018年仲膽粗粗參加環球小姐日本茨城錦標賽，結果成功奪得冠軍寶座，後來仲食住個勢踩入寫真界發圍。
潮里表示做寫真偶像係佢嘅夢想，源於多年前佢已經好仰慕佐藤江梨子同Megumi呢兩位經典寫真女郎。夢想成真之後，潮里亦冇放軟手腳，除咗喺上年參加選美活動「Sanpo GoGo Queen Audition」，並獲得「特別審查獎」，今年推出嘅寫真集更突破性感極限演出，包括嚟個真空露半球誘惑，又嚟個全裸雙手掩胸等，加上各種動作以及發晒姣嘅表情，難怪被封為「日本最色情女主播」！
簡介：薄井潮里家陣喺電視台同寫真界兩邊走，可以話係大忙人，如果想緊貼阿妹嘅最新動向以及最近拍咗幾多性感寫真照，可以Click上其社交網睇睇。
網址：https://twitter.com/usushio_28
年齡：29歲
身高：5呎4吋
三圍：34C-24-35
撰文：賢