以前修讀理科嘅多數都係男仔，而女仔則多數讀文科或商科，所以曾經聽過有男仔因為想識女仔，而選讀文科或商科。其實理科一樣有女仔讀，好似福井芹那就被稱為最強理科妹喇！
唔知大家有冇發覺，家陣想搵到一個具書卷味嘅斯文女仔唔係咁容易，就算現時興起文青系打扮，總係覺得佢哋嘅氣質與打扮不相配，反而感覺有啲俗氣。好彩，喺日本仲有唔少斯文靚女，福井芹那就係其中一個喇！
今年25歲嘅福井芹那樣子極具清新純潔氣質，溫文得嚟帶青春少女嘅活潑感覺，夠晒脫俗出塵，與近年喺寫真界發展如意嘅早安少女組現役主唱譜久村聖十分相似。然而，芹那比村聖更為優勝之處在於身材，擁有5呎7吋高挑身材嘅佢，胴體曲線玲瓏，仲有E Cup上圍，加埋肌膚白滑如剝殼雞蛋，難怪被稱為「最強理科妹」。
提到芹那有「最強理科妹」呢個外號，原因係佢就讀慶應義塾大學時修讀屬於理科嘅藥學科，不過畢業後佢冇做藥劑師，經朋友推薦去咗藝能事務所面試，結果加入藝能界，做電視節目主持以及拍攝水着寫真，以甜美笑容及溫文氣息成功俘虜觀眾。
講起芹那嘅笑容，佢做人嘅座右銘就係「笑容可以帶來福氣」，所以大家會見到佢面上成日掛住治愈能量十足嘅笑容。事實上，芹那笑得出都係全靠佢爺爺，佢自細面對父母離異，搞到心態悲觀，爺爺喺佢最失落嘅時候帶去參觀孤兒院，芹那見到班孤兒無人無物，始覺得自己仲有屋企人照顧已經好幸福，自此變得樂觀好多，笑容亦經常陪伴住佢喇。
簡介：近期福井芹那除咗忙於主持與賽馬有關嘅電視節目，亦密密拍水着寫真，從其社交網中就可以睇到唔少拍攝寫真花絮喇。
網址：https://twitter.com/serina_fukui
年齡：25歲
身高：5呎7吋
三圍：34E-24-35
撰文：賢