春天來臨，好容易會令人出現春困嘅徵狀，包括昏昏欲睡、做事提唔起勁等，面對呢種情況當然要注意休息以及飲食健康啦！不過，睇吓靚女亦有助男士們更加醒神，今日就介紹宮下加奈子呢位陽光感十足嘅美人兒畀大家。
商業產品賣廣告嘅時候，都會搵個合適產品特性嘅演員拍攝，例如有助保護前列腺健康嘅保健食品就當然係搵個中年男士演出，至於令人醒神晒嘅炭酸飲品就一定會搵青春感十足以及予人活力充沛嘅陽光美人兒，就好似宮下加奈子咁喇！
現年23歲嘅加奈子曾經為一款炭酸飲品拍攝電視廣告，睇睇吓阿妹唔單止清新又帶陽光感，氣質仲綺麗端莊，若然搵佢賣高級法國香檳廣告亦一樣咁適合。加奈子除咗美貌醉人，身材亦一樣咁迷人，胴體纖巧雪白之餘仲曲線玲瓏，早前為雜誌《週刊Playboy》拍攝水着寫真展露出一副有前有後嘅身材，便令大家驚為天人。
加奈子現時正以女主播身份發展，周不時都會為電視節目外出採訪，唔知係咪因為成日要走嚟走去，所以身材變到咁弗呢？除咗做主播，加奈子亦係一位舞台演員，喺2015年演出舞台劇《轉校生》，另外亦參演過唔少電影，包括《亞人》以及《笑傲曇天》等等。而做演員正係滿足晒加奈子嘅夢想，因為佢自小嘅志願係做老師同空姐，之但係喺現實中好難兩全其美，但係做演員的話就可以飾演晒呢兩個職業嘅角色啦！
簡介：宮下加奈子嘅水着寫真事業只係剛剛起步，所以近期嘅發展都係集中做女主播，如果大家想睇吓加奈子最近做緊咩節目，就可以Click上其社交網睇睇喇。
網址：https://twitter.com/miyashitakanako
年齡：23歲
身高：5呎4吋
三圍：33E-23-34
撰文：賢