無論係扮有型、扮高竇、扮有料到都會惹人討厭，不過有一種扮嘢卻偏偏令男人十分鍾愛，就係由索女扮演不同嘅動漫角色，亦即係Cosplay喇！如果大家仲未對扮嘢產生興趣，咁就一齊嚟了解一下霜月明愛呢位可愛又好波嘅Cosplayer啦！
近年日本寫真界有唔少擁有可愛面孔，仲相當好身材嘅美人兒，同時亦係一位知名嘅扮嘢高手，好似十味、桃月梨子就係當中嘅好例喇。提到好波嘅扮嘢妹其實仲有唔少，今日同大家見面嘅霜月明愛就係其中之一。
今年23歲嘅霜月明愛可謂人如其名，形象光鮮明亮，甜美得嚟帶有一種活力充沛嘅陽光感覺，簡直係人見人愛！而佢跟好多同年紀以及行可愛路線嘅寫真妹唔同，佢哋大部分都係身材嬌小，然而明愛就生得高挑纖巧，胴體鮮嫩雪白，有前有後婀娜多姿，一對渾圓又堅挺嘅F奶斤両十足，呢副胴體攞足一百分呀！
明愛之所以成為寫真女郎，就要從佢由家鄉宮城縣走去東京打工開始講起。佢去到東京原宿嘅鞋店打工，之後轉咗去秋葉原一間潮流服裝店做售貨員，由於原宿同秋葉原係Cosplay活動熱點，有一日對呢方面極具興趣嘅明愛就膽粗粗試吓，由於阿妹可愛又好身材，獲得唔少人賞識，後來更被發掘成為寫真妹，不過明愛仍然冇放棄扮嘢，原因係好想繼續發揮自己可愛嘅魅力以及姣好身段。
咁明愛最鍾意扮咩動漫角色呢？喺一次訪問中明愛表示近期比較多扮演《刀劍神域》中嘅女角色，而最鍾意就係扮《亂馬1/2》嘅天道靡，估唔到明愛會咁懷舊喎！
簡介：霜月明愛作為一位活躍度相當高嘅Cosplayer，喺佢嘅社交網中當然可以睇到好多扮演動漫角色嘅照片，此外明愛亦係寫真界新貴，所以亦不乏性感泳裝演出嘅花絮。
網址：https://twitter.com/melomea030
年齡：23歲
身高：5呎4吋
三圍：32F-23-33
撰文：賢