係咪胸大就等於有吸引力呢？非也！就以日本寫真女郎為例，當中有唔少屬貧乳一族，佢哋別有一番吸引力。當然大部分寫真迷都比較鍾意睇巨乳，咁唔知胸部大小適中嘅大貫彩香大家又Like唔Like呢？
一件產品要喺現今世代突圍而出，必須要有一個突出嘅賣點，而日本寫真界近年嘅發展亦差不多，能夠成功突圍嘅女優唔係個胸特別大，就係個躉特別巨型，咁身材勻稱嘅係咪冇運行呢？非也！近期人氣高企嘅大貫彩香就係憑住勻稱嘅身材而大受歡迎喇！
今年26歲嘅大貫彩香樣子可愛又精靈，水汪汪又帶神氣嘅雙眼特別迷人。而身材方面同樣吸引，肉地夠晒結實，予人精神一振嘅健康感覺，胸前對D奶大小適中，有睇頭但係唔會過分巨型，令胴體更具曲線美。
由於彩香身上各個部位都大小適中，所以被封為「適乳女王」，當中女王呢個稱號並唔係亂咁吹噓，因為香妹喺上年參加選美活動「Sansupo GoGo Queen」奪得冠軍。有呢個冠軍寶座加持之下，彩香唔單止人氣再升，自信同魅力亦隨之增強，事業發展更係一日千里。
近期彩香涉足多方面發展，早前就去到「日本釣魚展」做嘉賓主持，又喺電視節目《實錄！野性之爆走王國》同飛車一族親身接觸，仲為格鬥賽事「KNOCKOUT」做舉板女郎。最近彩香變身做鎧甲美人，演出展現美女與戰國武將鎧甲嘅節目《鎧美女》，大家想欣賞到彩香同武士鎧甲結合之後有幾吸引就要密切留意喇！
簡介：近期大貫彩香工作多又節目多，真係忙個不停，大家想了解香妹嘅最新動向以及拍寫真時有幾性感，可以Click上其社交網睇睇。
網址：https://twitter.com/sayaka_oonuki?lang=ja
年齡：26歲
身高：5呎2吋
三圍：33D-23-34
撰文：賢