雖然日本寫真乳神杉原杏璃已經嫁人，兼宣布唔再拍水着寫真，幸好想睇寫真乳神仲有好多選擇，好似岸明日香、菜乃花等就係上上之選，至於泉里香呢位清麗脫俗又好波嘅乳神，當然亦係筍盤啦！
日本寫真界的確係靚女多，當中有唔少靚女得嚟仲非常好波，例如近期人氣高企嘅葉加瀨舞衣、星名美津紀以及小倉優香等。不過講到一出場，氣場足以令大家為之驚艷、震撼嘅，相信只有泉里香一位！
30歲嘅泉里香清麗脫俗，面上散發出美艷迷人嘅氣息外，仲帶有一股令男人為之迷醉嘅仙氣，認真索得緊要！令人覺得上天唔公平嘅係香妹靚得嚟，仲要身材高挑又婀娜，近年積極收身之下令纖腰現出肌肉紋，而脹卜卜嘅F奶卻依然保持斤両十足，而且堅挺渾圓，如此尤物，真係世上罕有呀！
香妹喺2002年踏足藝能界，初出道以濱千咲做藝名，之後用過嘅藝名包括梨華同泉里果，到2008年改名為泉里香。佢嘅星途可以話多姿多彩，曾經演出過唔少知名日劇，當中最為人熟悉嘅一定係《美少女戰士》，今年亦會有新劇《醜聞專門律師 QUEEN》。此外，佢亦演出過唔少電影，例如《吳清源》、《天堂之吻》等。到2016年開始拍攝水着寫真，由於阿妹實在太索太好身材，所以被稱為「2016年之最大收穫」！
近期泉里香人氣再度勁升，原因係佢最近為一個招聘網站拍攝廣告，扮演漫畫《海賊王》中嘅爆乳女主角娜美，由於香妹嘅身材同娜美一樣都係纖腰巨乳型，所以被人形容為將角色來個神還原，同時亦成為大眾嘅熱門討論對象。
年齡：30歲
身高：5呎5吋
三圍：36F-22-34
撰文：賢