男友太正經嘅話，反而會令女友覺得討厭，好似呢位男網民就係因為咁而激親女友！話說佢同女友拍拖一年，平時最多只係咀嘴，從未試過有更親密嘅接觸，佢話：「最近女友成日問我男人點樣解決生理需要，我起初唔願意回答，但係佢繼續追問，我咪話用雙手囉，佢聽完後就叫我示範畀佢睇，我梗係唔制啦！有次我索性問佢係咪想做，佢即刻嬲嬲豬，其實佢想點呢？」
孑孓八：遇着你咁嘅男友我都嬲啦！唔通你想女友同你講：「係呀！我好想同你做呀！」如果佢真係咁同你講嘅話，你又會覺得佢好淫蕩，你話你幾麻煩。
LongSong：我覺得佢其實想同你做吓生物研究啫，冇乜嘢嘅，你咪示範畀佢睇吓囉，反正你又唔會蝕底嘅，最多佢睇完後，你叫佢做番份報告畀你，咁你覺得呢個做法係咪會啱你心水啲？
型男正好眠：佢想點你唔係唔知呀？如果你真係唔知嘅話，你真係咪拍拖啦！佢好明顯暗寸緊你，點解拍拖咗咁耐對佢一啲幻想都冇，係咪自己解決就得呀，蠢！
衝A望豬：我認為佢想搵理由發你脾氣，其實咁嘅女仔真係要唔過，因為佢嘅要求認真過分，點可以叫你示範畀佢睇？一啲矜持都冇！
撰文：魂