雖然AV迷唔介意套片冇中文字幕，但係如果有字幕就更加好，若然女優講埋中文對白感覺仲親切好多添！最近AV片廠SOD發布新作，不但片名用中文，更聲稱全中文發聲，真係前所未聞呀！
睇AV學日文不嬲都係AV迷嘅理由之一，而最近SOD公布喺2月初推出嘅新作，相信AV迷唔能夠再以此作為理由喇！呢部新片叫做《肉穴淫語癡女物語》，大家留意片名冇一個係日文字，更聲稱全片中文發音，不過當然唔係廣東話啦！咁故事內容講乜呢？就係由波多野結衣、大槻響、南梨央奈、北川愛莉香、橘瑪麗、本庄鈴同新人林思吟等為大家介紹東京呢個癡女活躍地，當中包括魔鏡一號、日本電車同SOD辦公室等。雖然內容搞笑成分居多，但作為首套官方中文作品，絕對值得捧場。
魔鬼身材加上性感小惡魔泳衣，係咪好誘人呢？將男人嘅幻想現實為宗旨嘅日本服裝設計公司Mocolle，最近喺眾籌網站籌募製作名為「魔女水着」（サキュバス水着）嘅新產品，呢套泳衣設計性感又火辣，上身係黑色開胸連惡魔翼小背心，下身則係三角褲，配埋惡魔尾巴及魔角頭箍，着上身後名副其實係小惡魔嘅化身。為咗吸引男士們嘅眼球，Mocolle搵嚟4位有樣又有身材嘅Cosplayer咲夜由愛、Saku、倉坂樞同Non做模特兒，當中尤以擁有巨乳嘅咲夜由愛同Saku最亮眼，難怪預算喺2月初籌到50萬日圓，現已籌得超過86萬日圓啦！
生育後嘅夫婦喺生活上嘅變化，其中一項必然係性生活。唔係亂講o架，英國育兒網站Channel Mum早前訪問咗1,776位已為人父或人母嘅男女，結果發現佢哋平均每次性愛時間僅得2分15秒便完事，最大嘅原因唔係男方持久力差，而係因為生育後私人時間唔夠，結果每次都要速戰速決。而有百分之二十六受訪者表示為咗節省時間，好多時連衫都唔除就開波，有百分之二十七嘅受訪者稱會動用情趣玩具嚟加快到達性高潮。雖然每次埋牙都要爭分奪秒，但係呢班速戰夫婦認同呢種做法能夠有效維持佢哋對性愛嘅興趣。至於講到性愛質素方面，有男受訪者認為比生育前好，不過大部分女受訪者卻表示未能得到滿足。
撰文：魂