每個人都有唔同癖好，但大家有冇諗過戀物癖可以變成生意賺大錢呢？話說德國有位戀物癖女士，竟然將自己嘅癖好變成一門生意，果真係寓娛樂於搵銀。另外，日本經典動漫《鬼太郎》最近推出性感內衣，大家又鍾唔鍾意呢？
試問又點估到日本經典動漫《鬼太郎》會同性感內衣扯上關係呢？呢套自1967年開始連載嘅漫畫，最近推出兩款以漫畫角色作主題嘅喱士內衣，分別係藍色嘅鬼太郎同紅色嘅小貓女。兩款內衣嘅款式唔同，鬼太郎款式為少女味嘅四角底褲加胸圍，而小貓女內衣嘅設計卻係性感誘人，三角喱士底褲配可愛紅色Bra，再配埋紅色蝴蝶結及頸圈，當Cosplay服嚟着亦得。呢套內衣現已接受訂購，將於明年3月交貨，而鬼太郎內衣同小貓女內衣嘅售價分別係10,584日圓（約730港元）及12,960日圓（約894港元）。話時話，唔知會唔會推出星君鼠內衣呢？
傳教士式真係一種相當矛盾嘅性愛體位，皆因英國情趣用品生產商Lovehoney早前做咗個調查，發現有三分之二嘅女受訪者表示經常玩呢種體位，但係當中大部分女士指未能從中獲得性高潮。為此，性學專家Annabelle Knight便提供3項讓傳教士式快感升呢嘅方法：第一招，加埋情趣玩具嚟玩，由於傳教士體位未能讓男士喺抽送中刺激到女性私密部位，若然加入震蛋進行刺激效果更佳；第二招，改變抽送角度，男士唔好一味前後抽送，而改用略斜嘅抽送角度，同時喺進入途中扭動一下，有助提升快感；第三招，講鹹濕嘢或讚美說話，男士們唔好忽略說話對女性嘅挑逗作用，有助令女伴獲得性高潮。
呢個世界嘅性癖有好多種，單係戀物癖已經可以細分為戀鞋癖、戀襪癖等，而呢位31歲德國柏林人妻Maggy BerLoon就係一位戀氣球癖愛好者，佢自稱喺結婚前已經好鍾意收集氣球，喜歡用氣球摩擦自娛嚟獲得性高潮。後嚟佢結識老公Jan BerLoon，當時佢跟對方坦白自己嘅性癖好，對方不但唔抗拒，反而接受佢呢種特殊愛好，兩人更經常同氣球嚟個三人行，而Maggy BerLoon更稱氣球爆波一刻最令佢興奮。丈夫眼見老婆對氣球有深入嘅研究同非常嘅興趣，於是開設網上氣球專賣店「Balloons United」，氣球產品銷往超過60個國家，而生意愈做愈好，收入不俗，估唔到個人癖好都可以賺大錢。
撰文：魂