形容健美又婀娜嘅女性體態叫做戰鬥格，而寫真妹真珠野澤的確擁有一副戰鬥格身材！25歲嘅真珠係日本藝能界知名搞笑女藝人野澤直子嘅囡囡，自小學習格鬥技嘅佢，原本諗住做護士，後來佢覺得應該發揮所長，於是參加綜合格鬥比賽（MMA），之後加入日本MMA團體RIZIN。真珠唔單止打得，仲因為長期鍛煉格鬥技而練出一副結實又不失婀娜線條嘅胴體！最近真珠推出首本個人寫真集《RIZIN Fighter》，從中大家可以欣賞到阿妹半裸濕身演出，仲可以睇到平時喺擂台上好勇鬥狠嘅佢變得充滿少女味道，展露天真開朗嘅笑容，可謂別有一番誘人風韻。