如果話畀人知最近研究緊底褲嘅話，相信唔少人會覺得你變態！不過日本東京大學大學院教授兼作家上野千鶴子，卻透過《裙底下的劇場》講出日本社會中關於底褲嘅性文明史。大家都知底褲款式有好多，尤其係女性底褲，喱士、T-Back、低腰、高腰等，作者就問明明係為咗遮掩下身而穿着嘅衣物，點解着咗會反而更加色情呢？佢又指出日本色情媒體之所以有超越其他國家嘅猥褻感，原因係佢哋堅持唔將底褲除掉！佢更明言，女性通往純潔之路係同底褲有關。正因為將底褲研究變成社會學研究題目，所以呢本書喺日本引嚟話題性，咁有趣嘅題材真係唔常見呀！