如果生殖部位出現痕癢，你第一時間會諗起同乜嘢有關呢？有位女網民就即時諗係咪男友傳染咗性病畀佢。話說早前女網民發現私處出現痕癢，於是上網睇吓相關資料，跟住佢就認為自己應該係感染咗性病，而佢只得一個男友，所以便將矛頭指向對方。佢話：「我哋每次做都唔用套，因為我有食藥，於是我咪主動問男友係咪有性病，點知佢唔直接答我，只係一味話我黐線。見佢迴避問題，我咪好心同佢講，只要佢承認有性病就得，我唔會怪佢，跟住佢就嬲咗我。如果佢真係冇嘢，又使乜咁嬲呢？之後我去咗睇醫生，發現原來係患濕疹。我第一時間同男友講，點知佢話要同我分手，家陣都證明唔係佢嘅問題啦，同埋我都道咗歉，你哋話做男人點可以咁小器㗎！」