故事講述女主角莉琳‧柏曼雖然身家豐厚，兼且擁有迷人嘅外形，但係高傲又獨立嘅個性，令佢喺倫敦社交界一直吸引唔到追求者，不過佢從未感到唔開心，直到衞斯克伯爵邁克嘅出現，令佢人生改變。邁克雖然個性高傲兼自律甚嚴，但英偉嘅外形同財富，成為炙手可熱嘅鑽石王老五。本來邁克對莉琳一啲興趣都冇，點知緣分嘅嘢就係咁奇妙，有日佢發現對方有種令人難以忘記嘅吸引力，最要命嘅係每次佢哋有身體接觸，都令佢有猶如觸電嘅感覺，因此佢決定追求莉琳。不過莉琳就唔係咁睇，佢覺得情慾關係並唔代表一切，但卻慢慢發現自己竟亦有心動嘅感覺，究竟呢段關係會點樣發展呢？
書名：《那年秋天》
售價：約HK$75
撰文：魂