催淚節目獲得好多觀眾讚賞，但亦有人認為夫婦有幾恩愛冇人想知，純粹係睇靚景，咁又冇錯嘅，所謂隔籬飯香，只要唔喺香港就點睇都幸福o架啦！係呀，睇人妻如是，睇裸模也如是，好似呢本叫《The Adventures of Sinba: Gran Canaria》嘅黑白寫真集，坦白講，女主角唔係重點，靚景先至係主菜，皆因攝影師Kenneth Gjesdal去到西班牙大加那利島取景拍攝。
先簡單介紹一下，大加那利島由火山噴發形成，地理形狀大致呈圓形，直徑大約係50公里，因地處大西洋，有冬暖夏涼嘅亞熱帶氣候，全年平均溫度約攝氐23度，係歐洲人嘅度假天堂。就係因為夠正，吸引到攝影師Kenneth出手，希望拍攝一輯靚相留念，結果喺2016年暑假，佢本來同老婆去當地旅行，發現個景咁靚，於是就問老婆不如影輯寫真，勢估唔到老婆即時剝清光任影唔嬲，之後決定公諸於世推出寫真集，好等巴打睇人妻同時兼欣賞埋美景！
書名：《The Adventures of Sinba: Gran Canaria》
售價：約HK$156
撰文：祖