博紅顏一笑

高官透過大氣電波，語重心長、字字鏗鏘用廣東話質疑：「我們用廣東話學中文，將來會不會長遠？」真係全球最幽默嘅人捨佢其誰，之乎者也！而你班香港人實在太膚淺，完全誤解咗佢一片苦心，查實佢不知幾有遠見，做人幾咁清醒，幾咁關心香港下一代，情操何其偉大！

尤其係男人，用普通話搵食事小，出嚟玩溝通唔到就事大，好似去澳門夜場玩為例，唔識普通話確實好輸蝕o架！雖然你係客人，PR當然會以半鹹淡講廣東話同你溝通，問題係當你想同囡囡深入溝通一啲，希望玩暢快啲、過癮啲，先發現囡囡聽唔明你噏乜，咁你話幾無癮呢！可惜，細佬語言天分差，對住所有人都只識以「廣式普通話」嚟溝通，好似早幾日喺澳門9號會所對住內地佳麗PR江南，查實阿妹都瞓晒身學廣東話o架喇，但細佬連用普通話讀阿妹個名都未識，為博紅顏一笑，即刻男神上身，江南講成「芥蘭」，笑到阿妹眼淚水都標埋，唔識普通話濕碎，溝唔到女事大呀！