為咗唔想啲汗濕透件衫，於是穿著疏汗又快乾嘅衣物，卻估唔到原來有一班人對汗水情有獨鍾，仲專登喺網上搵各種同汗水有關嘅色情影片，而當中嘅愛好者更係有唔少添！
喺過往外國成人影片網站嘅數據分析中，最常見嘅熱搜詞，不外乎「MILF」（熟女）、「Lesbian」（女同）、「Hentai」（變態）、「Anal」（後花園）等，不過成人影片網站巨頭Pornhub卻發現有個新熱搜詞喺近年成為大熱之一，就係「Sweat」（汗水）！
據Pornhub綜合自2014年至2018年網站熱搜詞使用率嘅分析中發現，「Sweat」自2014年12月開始有上升嘅趨勢，而2016年時更達到高峰。雖然2017年同2018年都稍為下降，但仍比2015年高，尤其係18至24歲嘅年齡層，佢哋嘅搜尋人次相對其他年齡層更係有多達百分之二十嘅增幅。
當中更有個有趣嘅發現，就係每年嘅7月都係「Sweat」嘅搜尋高峰期，Pornhub分析應該係同天氣有關，事關網民見到被汗水濕透嘅囡囡時，會產生好多遐想。Pornhub又表示其實「Sweat」係個總括詞，如果再細分嘅話，發現最多人搜尋同「Sweat」有關嘅詞語，分別係「Sweaty」（流汗的）、「Sweaty Sex」（流汗的性愛）、「Sweaty Feet」（流汗的腳）等。至於最常搵呢類熱搜詞嘅以男性為主，比女性搜尋者多百分之四十四。
女人對美胸嘅追求有幾執着？單從坊間有唔少豐胸方法就知，例如每日原地跳100下、彎腰並按摩胸部、飲木瓜牛奶等，至於有冇效就不得而知。不過講到最騎呢嘅豐胸方法，莫過用牙膏嚟豐胸，據稱只需要每日用牙膏嚟按摩雙峰，
5日就可以見效。
有位美國女網紅就決定照做，試吓堅定流，同時測試埋另一個坊間豐胸方法，就係用凡士林按摩雙峰。呢位叫做Mesha嘅女網紅唔係試5日咁少，而係足足試咗一個月，結果發現雙峰根本冇變大過！佢表示用咗凡士林後一啲感覺都冇，而用牙膏除咗令胸部會散發出薄荷香味，同埋有冰涼嘅感覺之外，就冇其他任何嘅反應同效果。其實牙膏可以豐胸呢個講法，對知道牙膏成分嘅人嚟講，一睇就知係個笑話，事關牙膏嘅成分不外乎氫氧化鋁、氟化物、碳酸鈣等，點會有豐胸嘅作用呢？至於凡士林係用嚟護膚同滋潤肌膚，又何來豐胸效果呀！
唔少人都有健身嘅習慣，甚至喺屋企添置健身器材，方便鍛煉身體。英國有女性網站嘅專家稱，健身器材唔單止用嚟健身，仲可以作為提升快感嘅情趣用具添，更推薦玩健身球。專家稱健身球相對於床同梳化嚟講，具有更佳嘅彈力，雖然瞓喺上面會難以平衡，但只需要練習多啲，呢個絕對唔係難題。
專家建議初學者可以使用一種名為「Bouncy Seat」嘅體位，有助更易掌握健身球性愛玩法，首先男伴坐喺健身球上，然後女士以背對嘅方法坐喺男伴嘅大髀上進行騎乘動作，而女方借助健身球嘅回彈力彈起關係，因此可以令雙腿減少負擔，亦能夠更加投入騎乘嘅快感之中。
另外，女方可以嘗試趴喺健身球上，然後雙腳提高，而男方則扶住雙腿進行運動，同樣可以體驗到與別不同嘅感覺。除咗健身球嘅玩法外，專家表示其實大家可以動用想像力，試吓點樣將健身器材運用喺性愛當中。
撰文：魂